Mae ymateb Cyngor Gwynedd parthed y cylch gorchwyl
isod ar gyfer Bil yr Amgylchedd Hanesyddol (Cymru) yn dilyn ym
mhwyntiau 1 i 15.
Cylch gorchwyl
Dyma gylch gorchwyl yr
ymchwiliad:
Ystyried—
-
egwyddorion cyffredinol Bil yr
Amgylchedd Hanesyddol (Cymru) a’r angen am
ddeddfwriaeth i:
-
warchod adeiladau rhestredig a
henebion cofrestredig yn fwy effeithiol;
-
wella’r mecanweithiau
presennol ar gyfer rheoli’r amgylchedd hanesyddol
mewn
modd cynaliadwy;
-
sicrhau bod penderfyniadau
ynghylch yr amgylchedd hanesyddol yn cael eu
gwneud mewn ffordd fwy tryloyw ac
atebol.
-
unrhyw rwystrau posibl rhag
rhoi’r darpariaethau hyn ar waith, ac a yw’r Bil
yn
eu hystyried,
-
a oes unrhyw ganlyniadau
anfwriadol yn deillio o’r Bil,
-
goblygiadau ariannol y Bil (fel
y nodir yn Rhan 2 o’r Memorandwm Esboniadol,
-
priodoldeb y pwerau yn y Bil i
Weinidogion Cymru wneud is-ddeddfwriaeth (fel y
nodir ym Mhennod 5 o Ran 1 o’r
Memorandwm Esboniadol).
Cyflwyniad
-
Mewn egwyddor mae cynnwys y Bil
i’w groesawu o agwedd deddfwriaeth mwy cyfoes a chanllawiau
cryfach er mwyn i waith y maes Cadwraethol fod yn fwy clir a
chadarn. Mae’r deddfwriaeth a’r Cylch lythyrau
presennol dal yn berthnasol ond mewn angen ei uwchraddio. Bydd rhai
elfennau o’r Bil newydd yn sicrhau amddiffyniad i’r
Amgylchedd Hanesyddol sydd yn bresennol yn wan ac yn
brin.
Egwyddorion cyffredinol Bil yr
Amgylchedd Hanesyddol (Cymru) a’r angen am
ddeddfwriaeth i:
-
warchod adeiladau rhestredig a
henebion cofrestredig yn fwy effeithiol;
-
Credir ar hyn o bryd fod deddfwriaeth
presennol yn eithaf effeithlon, ond nid yw yn ddigon cryf nac
ychwaith gyda yn darparu digon o warchodaeth na phwerau effeithiol
i warchod adeiladau rhestredig na henebion cofrestredig.
Mae’r cylch lythyrau presennol, yn enwedig 61/96 sydd yn
berthnasol i’r Awdurdod Cynllunio Lleol a’r Uned
Cadwraeth yn ddefnyddiol iawn ond yn 20 mlynedd oed erbyn hyn ac
angen ei ddiweddaru. Teimlir bod llawr o gynnwys y cylch lythyr hwn
dal yn ddefnyddiol ond angen fwy o ddannedd.
-
Ni ystyrir y bydd llawer o newid o
agwedd system ymgynghori’r Gweinidogion Cymru gydag ystyried
rhestru adeiladau gan ei bod yn gwneud hyn fel ymarfer da ers 2005.
Ystyrir fodd bynnag fod gosod cyfnod gwarchod interim ar adeiladau
wrth ystyried eu rhestru yn ychwanegiad da fydd yn eu gwarchod fel
y byddant yn rhestredig. Mae’r ychwanegiad hyn i’w
groesawu.
-
Mae’r bwriad i greu cofrestr
statudol ar gyfer parciau a gerddi hanesyddol yn ychwanegiad da
mewn egwyddor fel y byddai phob parc a gardd hanesyddol yn cael ei
cofrestru, yn hytrach na’r drefn bresennol ble mae rhai
perchnogion yn gwrthod cael ei cynnwys. Rydym fel Awdurdod
Cynllunio Lleol yn ymgynghori yn barod ar geisiadau cynllunio y
gall gael effaith ar barc a gardd hanesyddol gyda’r
Gweinidogion Cymru a’r cyrff mwynderol perthnasol.
Felly ni ystyrir y bydd llawer o wahaniaeth yn y ddarpariaeth
hon.
-
Mae’r bwriad o ehangu cwmpas
gwaith brys ar adeiladau rhestredig ac adennill costau drwy
gyflwyno pridiant tir lleol yn ychwanegiad i’w groesawu a
fydd yn golygu mwy o gyfleon i gyflwyno’r rhybuddion ar
adeiladau a feddiannir, yn hytrach na dim ond adeiladau nad ydynt
wedi ei meddiannu. Mae’r rhybudd yma yn rhwystredig ar hyn o
bryd oherwydd natur yr adeilad ble gallent gyflwyno’r
rhybudd, ond bydd y ddarpariaeth newydd yn newid hyn a fydd yn
golygu mwy o warchodaeth i adeiladau dan fygythiad /
risg.
-
Fel Awdurdod Cynllunio Lleol rydym yn
delio gyda llawer o achosion ble mae gwaith di-ganiatâd yn
mynd ymlaen ar adeiladau rhestredig ac fel rheol mae Swyddog yn
mynd allan a thrafod gyda’r perchnogion yn atal hyn, ond nid
oes rhybudd ffurfiol i’n cefnogi. Mae’r bwriad felly o
gyflwyno hysbysiadau stop dros dro yn ddarpariaeth gryf iawn fydd
yn golygu gallu gwarchod adeiladau, yn bennaf oherwydd ei fod yn
weithredol ar unwaith.
Egwyddorion cyffredinol Bil yr
Amgylchedd Hanesyddol (Cymru) a’r angen am
ddeddfwriaeth i:
-
wella’r mecanweithiau presennol
ar gyfer rheoli’r amgylchedd hanesyddol mewn
modd cynaliadwy;
-
Yn bresennol mae’r cofnodion
amgylchedd hanesyddol yn cael eu rhedeg gan yr Ymddiriedolaethau
Archeolegol Cymru. Credir fod y drefn hon yn effeithlon iawn gan
fod natur y cofnodion hwn o fewn yr un maes archeolegol ac
mae’r gwasanaeth y mae’r Ymddiriedolaeth yn ei gynnig
yn addysgiadol, manwl ac agored i bawb. Mae’r bwriad o
ail-leoli’r cofnod hwn i’r Awdurdod Cynllunio Lleol yn
gymysglyd braidd, gan nad ystyrir mai’r Awdurdod Cynllunio yn
angenrheidiol, yw’r lleoliad priodol i’w ail-leoli. Nid
yw’r ddarpariaeth cofnod amgylchedd hanesyddol yn berthnasol
i waith dydd i ddydd y gwasanaeth cynllunio ac felly ystyrir y bod
lleoliad gwell i’w leoli.
-
Mater arall i’w ystyried yma
yw’r gost o ail-leoli’r ddarpariaeth hyn. Mae Cynghorau
Cymru yn wynebu toriadau sylweddol dros y blynyddoedd i ddŵad
ac pe lleoli’r cofnodion amgylchedd hanesyddol o fewn yr
Awdurdodau Cynllunio yma, ni ystyrir y bydd y cofnod yn
flaenoriaeth o agwedd materion cynllunio ac nid oes yr adnoddau i
ddarparu’r wasanaeth yn effeithiol.
-
Mae’r bwriad o gyflwyno
cytundebau partneriaeth dreftadaeth yn dderbyniol mewn egwyddor,
ble fyddai’n hwyluso’r drefn gynllunio gyda stadau
mawr. Ond gan eu bod yn gytundebau gwirfoddol, nid oes unrhyw gofyn
i berchnogion gymryd rhan mewn unrhyw gytundeb.
-
Nid yw’r Awdurdod Cynllunio
Lleol yn cael ceisiadau am dystysgrif imiwnedd rhag rhestru yn aml
iawn. O fewn y 3 blynedd diwethaf nid oes un wedi’i gyflwyno
ac felly ni ystyrir y bydd llawer o wahaniaeth wrth lacio’r
amodau hyn.
Egwyddorion cyffredinol Bil yr
Amgylchedd Hanesyddol (Cymru) a’r angen am
ddeddfwriaeth i:
-
sicrhau bod penderfyniadau ynghylch
yr amgylchedd hanesyddol yn cael eu
gwneud mewn ffordd fwy tryloyw ac
atebol.
-
Mae’r bwriad o sefydlu panel
cynghori ar amgylchedd hanesyddol Cymru yn dderbyniol mewn
egwyddor, ond at pa fwriad fydd y panel hwn? Pe byddai’r
panel yn cynnig cymorth i bob maes treftadaeth ac yn agored i
bawb, fyddai’n gallu bod yn ddefnyddiol iawn.
Credir fod y drefn o wneud
penderfyniadau ar geisiadau adeiladau rhestredig o ran rol
Awdurdodau Lleol eisoes yn dryloyw, ond nad oes yr un trylowder yn
y ceisiadau sydd angen mewnbwn Cadw.
Egwyddorion cyffredinol Bil yr
Amgylchedd Hanesyddol (Cymru) a’r angen am
ddeddfwriaeth i:
- unrhyw rwystrau posibl rhag rhoi’r
darpariaethau hyn ar waith, ac a yw’r Bil yn
eu hystyried,
-
Ystyrir y prif rwystrau gyda’r
Bil hon yn bennaf fyddai adnoddau. Mae llawer o’r egwyddorion
o ran cael eu gwireddu’n llawn yn mynd i fod angen adnoddau o
fewn yr Awdurdod Cynllunio Lleol. Yn yr hinsawdd ariannol
sydd ohoni, credir y gall diffyg adnoddau a’r angen i
flaenoriaethu adnoddau yn sgil hynny fod yn rwystr
sylweddol.
Egwyddorion cyffredinol Bil yr
Amgylchedd Hanesyddol (Cymru) a’r angen am
ddeddfwriaeth i:
-
a oes unrhyw ganlyniadau anfwriadol
yn deillio o’r Bil,
-
Heb law am y materion adnoddau o rhai
elfennau o’r Bil, ni ystyrir fodd unrhyw ganlyniadau eraill
yn deillio ohono.
Egwyddorion cyffredinol Bil yr
Amgylchedd Hanesyddol (Cymru) a’r angen am
ddeddfwriaeth i:
-
goblygiadau ariannol y Bil (fel y
nodir yn Rhan 2 o’r Memorandwm Esboniadol
-
Mae’r memorandwm esboniadol yn
egluro sawl opsiynau o agwedd costau’r Bil. Mae sawl
darpariaeth sydd yn cael eu gyflwyno yn golygu goblygiadau adnoddau
i’r Cyngor. Ystyrir y prif gostau byddai ail-leoli’r
cofnod amgylchedd hanesyddol gan y bydd rhaid hyfforddi swyddog o
fewn y gwaith a’r maes i gofnodi’r holl wybodaeth a
chadw’r gofnod yn gyfredol
Egwyddorion cyffredinol Bil yr
Amgylchedd Hanesyddol (Cymru) a’r angen am
ddeddfwriaeth i:
-
priodoldeb y pwerau yn y Bil i
Weinidogion Cymru wneud is-ddeddfwriaeth (fel y
nodir ym Mhennod 5 o Ran 1 o’r
Memorandwm Esboniadol).
-
Ni ystyrir fod y pwerau o wneud
is-ddeddfwriaeth o’r Bil yn creu pryder mawr, ac nid oes
sylwadau penodol ar hyn o bryd.